ديوان أكاليل الإلكتروني لسفراء القلم

 .....................

عصام السعدني...

..................

( اشتباه )

أي حاجه أعرفها عنك...

مش مجرد اشتباه...

واللي ياما شوفته منك...

خلي عقلي مني تاه...

حاجه باسمعها في ضميري...

مين إللي قاللك...

ترمي أحلامك وراك ...

تنسحب من وسط نفسك ...

تترمي في أحضان شيطان ...

في الحقيقه أكرم لنفسي...

أبقي بين أربع حيطان...

أمحي من قواميس حياتي...

أي لحظه كانت معاه.

قلبه حتي في إلاذيه...

ليه مواهب واقتدار...

كل جرح وكل كلمه...

فيها مليون إبتكار...

ضحكته أسطول حصار...

ليه طريقه في الخيانه والمراوغه...

حتي في فنون الألم...

فيلسوف أو مستشار...

في الظلم واخد دكتوراه.

الطريقه إللي فاكرها...

في هواك الكره نعمه ...

والحقيقه إللي ناكرها...

قلبي ليه كان شبه أعمي...

ليه بيتعامل معاك ...

بارتياح وطريقه ناعمه...

بالملاطفه والمداعبه...

الصراحه دي حاجه صعبه...

إني أكون عبد لجنابه...

وسايبه يتمادي في أذاه...

وابقي متعاطف معاه.

بس من دلوقتي شكرا...

قلبي بطل يبقي سهل ...

أوعي تيجي في يوم تقوللي...

إننا حبايب وأهل...

إللي بنا مرار وطافح ...

واللي شوفته من قساوتك...

لسه جرحه فيا باقي ...

قوم وقلب في الدفاتر...

هات كده سجلات مشاعري...

واقرا فيها إن كنت قادر...

إللي كنت فاكرها سيما...

هتلاقيها بيوت قديمه...

فاضيه ملهاش أي قيمه...

بس فيها كتير خراب...

رتش علي حبة تراب...

حتي في الإحساس عديمه...

فيها مليون ألف أه.

عصام السعدني...