................
سعيد عزب
.............
(السياسه والحكمه والحب)
الثلاثه ينبعن من مصدر واحد،
وينبتن فى ارض واحده ،
ويشربن من بئر واحده ،
الا وهى الصبر.
و ثمارهم اما الشعر او الأدب او الطرب.
اما( البسمه والقفشه والضحكه والنكته )،
فهى نبته عشوائيه تنبت فى اى مكان وفى كل الظروف،
سواء توفر لها الارض او السقيا او لم تتوفر،
وهى كالاعشاب البريه الطبيه تداوى القلب والروح وتفرج الهم وتشفى العليل.
وترسم الرضا على الوجوه ،
ولكم هذه الكلمات العشوائية علها ترسم البسمه لديكم .
(..غرام ف الغيط )
ياساكن قلبى ......مجانى
ياتدفع يا أطردك ..... تانى
عشان قلبى ......ماهوش تمليك
ولا بالونه عيال .....ف إيديك
مفيش مره..... تحن عليه
وتجيبله..... ساندوتش بانيه
وعلبه كانز ... اوشيبسى
او تعزمنى ف مره .... على قهوه
او حتى ......سيجاره كيلوباترا
اوكوز..... دره مشوى
وكرسى ......شيشه متوصى
ياخى بعدك
ان فتحت .لك ف يوم .الباب
لحبك مره.... ولو بعتاب
وخليك فاكر
دى اخر مره..... راح اعاتبك
وف الجايه.... راح احاسبك
واردحلك
واعملك فضيحه تمام
ويعلم بيها كل الناس
ويسمعها الحاضر
واللى كان غايب
وتدارى وشك .....من الكسفه
خلاص .....قولى واهى توبه
وتبت خلاص
وانا .راح اسامحك النوبه
وهاتلى معاك..... كيس نوجه
ونداغه .....وباكو لبان
وانا افتحلك .....فى قلبى بيبان
واجيبلك كمان ترباس
وتقفل بيه على نفسك
وافتحلك .....كمان دكان
وتسكن قلبى .....على راحتك
ومش عايز.... بس غير منك
تقولى..... بحبك
ياساكن قلبى..... بالمجان
وآهى كلمه..... بباكو لبان
ياساكن قلبى .....بالقوه
ياتدفع ....ياأطردك بره
سعيد عزب
ليست هناك تعليقات:
إرسال تعليق