..................
نجوى رسلان
...............
( ثانوية وياما مظلومين)
فيها اللي ذاكر من زمان
وغيره غشه بالتمام
ياعدالة صوت الحق فيها فان
صرخوا عليهاوعلينا السلام
واللي نام سلطان مكان
فيها لِعب وما تعب
والامتحان بالسلامة
دليفري راحله بالتمام
ربي عالم
باللي ذاكر واللي فاهم
واللي فاكر الشطارة
في المهارة وغش ساهم
يومي نادم
على دي كدبة صدقوها
قلت شاطر كدبوني
ليلي سهري هملوها
لعبة فاضية زوقوها
والفارس فيها جبان
استحل فيها تعبي
لجل ما ينول الأمان
هي ساعة
ولا حتى تكون سنين
هي غابة
ليه يا ابني تكون حزين؟
لينا رب بينا عالم
يصلح حال الشقيانين
لينا رب فينا شاهد
مين تعب وكان أمين
واضحك يا ابني من الأسى
على الله جبر المهمومين
عمر اللي قالها ما اتنسي
في كل وقت وكل حين
كلمة يارب قولتها
الكل رد ....وقال آمين
آمين آمين آمين
بقلمي د/نجوى رسلان
ليست هناك تعليقات:
إرسال تعليق