ديوان أكاليل الإلكتروني لسفراء القلم

 .................

أحمد الكندودي

................

ـ زجلية تحت عنوان :

***هرنط

هَرْنَطْ ...

رَاكْ بَكْمَة وَليتي ؤفي جْدورلَمْحَبًة تْخَرِِط

رْضَعْـتِ الحـقد وَ الجْهالـة

هـدًمْتِ الصلاتْ ب لـَحْيالة

ؤُمَزال فِ نْذالة وَالْخُبث تَتْنَقًزْ ؤُ تْزَعْرِط

نًعْرةْ الشر فِ لْعين جْلالة

عْمَى ساير اَشْ هاذْ الحالة

تحفر لْخوكْ باش يتهدًمْ ساسو و يسقُط

مَ كَرًاتْ فيك ملة ولا رحام

نكًارْ جَحْمُوم عايش لَـوْهام

تْقَلْبَتْ عليك لْقُفًة بْحالْ لْبكور لَـمْعَنْطِط

هرنط...

راه لْغاكْ حَنْظلْ حَـلحَـال

ؤمحال تْكَمًلْ ف وَدًك ذبـال

خْذِتي لعداوة حل ،ؤف نًابْ غِ تـتسيفط

يا لي مْساخْ حَسو و َلْوانو

شَرًعْ نًارْ عادْ عنتر زْمانو

اختار زرعو ضْرار،فما حْـصَدْ م كرط

هرنط...

يا لَهْبيل رَاه ضاقْ الحالْ

لْفَخ لِنْصَبْتِ رْجع غل وَبَال

ؤل عْلَفْتيهْ ف لَوْطى، فـي لعـقبة يَتْحَط

مَ كْفاتك ذِلًة ؤ زايد لغنان

قليل الْعَفًة،لا مْقام شَيْطان

ؤباش تبلغ لخيرخاص تمحي قفزة لْقط

يخرج منك الشر الحـايِـل

بِغُصًة بْلادي سْطل سايـل

فْقَدْتِ حـلاوة سًلامْ ، ؤ موريك راه هْبَط

ف أرضي الكل بحال بحال

اسود لاطلس فايقة عْلَى بال

فهرنط يالهرناط ؤبْقى ف وسخك مخبط

هرنط

***المغرب***الزجال والشاعر : أحمد الكندودي***