................
محمد غبن
.................
( شايل الهموم)
كلمات الشاعر / محمد غبن
شاعر آل غبن / سفير سلام دولى
1/12/2020
شايل الهموم يازمن
والحمل تقيل وصابنى
شقى مع وجع فى البدن
قولت أشتكى لربنا يعينى
برغم إنه فيه أطفال بيلعبوا فى
الشارع قدي أويمكن اصغر منى
لكنى ماشى مع خطي الزمن
برجوه إنه بس يرحمنى
كفايه عليا الحياه ولقمة
عيش مرارها معصور من دمى
خليني اعيش ولا أنت شايف
إنه كتير ومصمم تزود همى
لكني هصبر اكتر وهعمل
من شقايا حيطه صلبه تقوينى
اتحمل أكبر وجع ماأنا
لسه في بداية عمري وسنيني
لجل اعيش محتجش لأي
حد أمدله إيدي واقوله أعطينى
وإذا كان القدر حرمني أهلى
عزيمتي معايا تكفينى
ووعد يازمن بإذن ربى هتحكى
عنى بكلام يشرف ويرضيني
هوا ده اللي كان شايل هموم
جبل يبكى منها ويسترضينى
لكنه إتحمل بصبره وربنا كان
معاه وعلمني درس طلع من عينى
إن اللي بيتعب عمر ربه
ماهيخذله ودايما بيكون معاه
طول ما قدامه هدف
أكيد هيحققله اللى بيتمناه
وضرب لينا الطفل دا اعظم
قصه في تحديه لوحده الحياه
ليست هناك تعليقات:
إرسال تعليق