..................
محمد عباس
................
خواطر بعنوان :(( وداعا عشرين عشرين )
نفسي انام واقوم ع الجمعه
اختم عام واجفف دمعه
اغرس باقه حب وشمعه
ارسم بسمة ونجمه وقلعه
نفسي اودع حزن شربته
وارجع تانى لقلب حضنته
بنتى حبيبتى وكل مدينتى
هى حياتى وكل مسيرتى
نفسي اشوف الفرحة جميلة
نفسي اعيش مع اسرة وعيلة
عايز افرح يوم من قلبي
عايز افرح وياحبايبي
عام ورا عام بنودع سيرة
نفس عزيزة وروحها اصيلة
كلمة وفكرة واحلى مسيرة
روح بترفرف وياها عيلة
بنودع احلامنا الفايته
هى حكاية لقصة وبيته
زايط عايط فته وشايطه
مال واستنزف صبر وحيطة
دنيا وفيها نفوس بتئن
جوا عيون تفرح وتنم
قلب ونابض مش بيكن
روح انسان تپلع وتذم
رب احفظنا بروح بتكن
بهجة وفرحة بدون ماتمن
لما نلاقى نفوس بتحن
هو جمال واقع اوفن
بنودع احلامنا بريئه
شمس ورحلت ازمه حريقه
غابت تركت جرح وضيقه
سابت فرصة لدنيا غريقه
باى باى عام الازمات
هاى هاى بسرعه وفات
وياكورونا وناس فارقونا
ناس وبتفرح لمااذونا
كل عام وحبايبى فى نصر
كل عام فى جنه وقصر
ناس بتساند احلى ضمير
هما جنود ورسالة خير
سابوا الدنيا بكل مافيها
للى ساكنها واللى بانيها
وياصراع ع المال والقرش
قسوة وغيبه وحقد وغش
لما تقابل حد حبيب
بلسم سحرى ودوا لطبيب
عمره مايغضب ولايعيب
وفى ثانيه يتحول ديب
صدمه تلاقى دموع ونحيب
وبدون شك بسرعه تطيب
كاس بيدور ويدق الباب
لماتودع اغلى حبيب
بقلم محمد عباس
الاسماعيليه مصر
( وداعا حماتى )
ليست هناك تعليقات:
إرسال تعليق