..................
د اليان سمعان
..................
ياسنة عشرين فلي -=0=-
ه.........................................................ه
تعبنا ياسنة عشرين فلّي وفارقينا
فيكي ماشفنا الخير والله تعبتينا
صبرنا عليكي كتير ماكنتي تدارينا
غير المرض والخوف فيكي
مالقينا
ه
حرب ودمار ودمع والكل مفجوع
حصار وغلا اسعار والفرح ممنوع
في ناس عندا زغار ماتو الجوع
دخلك يارب الكون تفرجا
علينا
ه
جبتي الكورونا معك بالك هدية
من القلق والخوف مامنام ليلية
قديش ماتو ناس غالية عليي
كل يوم في اخبار ونسال
اهالينا
ه
دخلك يارب سامح يمكن خطينا
كتّر الحسد والجشع والمال عامينا
نسينا المحبة كيف يارب تهدينا
ارحمنا ومن هالحال يارب
نجينا
ه
انشالله السنة الجايي امل للناس
وتحمل سلام وحب ومايتم وسواس
وترجع ليالي الفرح بيكفي وجع بالراس
هيك الامل منك يارب يارب
تعطينا
ه
جيبي سلام يعم يملى الكون
ومايتم عنا حروب هون وهون
كل الامل فيكي بدنا شويةعون
تعبنا ياربي كتير مابقا
فينا
ه
دخلك ياعام جديد يالله طل
صارو سنة بالحبس بدنا نفل
تعا بلكي الفرح بقلوبنا بيحل
دخلك يارب الكون من المرض
عافينا
ه
عام المضي يارب لابقى تعيد
ياسنة كرهنا شبع الصدر تنهيد
انشالله السنة الجايي افرحكن بتزيد
الكل ناطر تصل ياعام جديد
واليوم ليلة عيد راح قول للكل
كل عام وانتو بخير اصحابي
وغوالينا
ه
ه~~~~~~~~~~~~~~~~~~~ه
اصدقائي الاحبة
ساعات قليلة ونودع عام العشرين
ننتظر بامل ورجاء العام القادم الذي اتمناه
عام السلام والفرح والامان عام التسامح والمحبة
من القلب ارق التهاني واجمل الاماني بالسعادة والخير
لكم جميعا لعائلاتكم لذويكم واحبائكم جميعا لاوطانكم وبلادكم
كل عام وانتم بالف الف خير اعاده الله عليكم جميعا بالصحة والعافية
اخوكم
الشاعر السوري --- د اليان سمعان
سفير اكاديمية السلام في كاليفورنيا
ليست هناك تعليقات:
إرسال تعليق