.....................
صبري رسلان
.................
مين يشتري أمي
.....................
أرض لهموم شيال
صابرة لضيق الحال
بركه دعاها بمال
والستر في أيديها
راح أهد بيتي إن مال
ولا دمعه في عينيها
مين يشتري أمي ..
وقت الصلاة في الحال
تسجد تزيد الحلا فوق الجبين قمرين بتناجي رب السما بخشوعها
والكفين إكفينا شر نفوسنا وأستر ولادنا أحرصنا لا لينا غيرك حد
إسدل ستاير الود
لولادي وعينيا ..
مين يشتري أمي ..
حضن الحنان والدفا
ضله وأمان فيه صفا
مهما الوشوش تنكفى
لتراب قدامك وفا
ما نوفي دين الدفا
من لمسه في أيديكي
ولا نور بدمعه إنطفى
من لهفه في عينيكي
مين يشتري أمي ..
يبنيلها فى الجنه
تطلب وتتمنى
بعد الفراق حالنا
علقم مرار طالنا
والضحكه واللمه
بقى حلم فات دارنا
لا عرفنا مين جانا
تايهين في أحزانا
يارب صبرنا مين راح
يشيل عنا ..
ما الضي فاتنا وراح
ودموع بتكوي جراح
بستنى يوم ما أرتاح
في الجنه جار ليكي
وأنا تحت رجليكي
بقلم .. صبري رسلان
ليست هناك تعليقات:
إرسال تعليق