...........
بقلم صفاء حسانين
..........
كلمتين في ودن بنتي
أمي قالتلي وأنا بيبي صغير
صوتك لا يعلا علي الكبير
وتكوني نسمة كده بتطير
اهتمي بنفسك وراعي شعور الغير
إوعي للشر تروحي وإزرعي يا بنتي الخير
كلمة حاضر بتريح وبتفتح أبواب كتير
البسي واسع لبس الضيق يا حبيبتي خطير
خلي حجابك رمز لطابعك دا الاسلام خلاكي الملكة وبيحرسها ياروحي أمير
واوعي في يوم بالسر تبوحي
خليكي ستر والسر في بير
دايما وشك يبقي بشوش وفي بيتك خليكي نظيفة
اصل يا بنتي الزوجه رسالة عمر مكانت الزوجه وظيفة
جوزك لما يكون مضايق كوني انتي يابنتي ظريفه
لجل ياروحي ينسي همومه لما يشوف انسانه رقيقه
تخفف عنه هم الدنيا و بظروفه هتبقي رحيمه
حافظي عليه وصوني غيابه ولأولادك كوني صديقه
عارفه يا بنتي هتبقي عنده زوجه وأم وأغلي حبيبه
أوعي يا بنتي تنسي كلامي
خليه دايما حلقه في ودنك اكيد يا بنتي هتبقي سعيده
بقلم صفاء حسانين
ليست هناك تعليقات:
إرسال تعليق