...........
صبري رسلان
...................
حكاوي زمان
...........................
شوفتووووووووووش
بهاااااااااانه وسعدها
وجوزها الشاويش
ما كان حيلتهم الااااضا
بصله و رغيف
بقدره قادر ..
نجدوا الكنب بريش
فته و محاشي ومصمصه
ولحمه في عيش
فرق ووزع عالبلد وأدعوا لشاويش
وأدعوا لها يكمل فرحها
دي عيال ما فيش
عبوا البطون عالمسطرة
وقعدوا تفتيش في اللي جرى
وقالوا ده منين يا ترى
ورث الشاويش
ولا يكونش ده إتغنى
بيبيع حشيش
لاقى لقيه تحت بيته
تكفي جيش
يقعد سنين ما تتصرف
بلا فقر خيش
اللي ما كانش يعبره
تعظيم سلااااام
وفى لحظه علو مركزه
لكبير مقااااااام
وبدونه ما يحلى السهر
ولا الكلااااااام
اصل الحكايه بإختصار
شنطه مدام
شاويش لقاها ووداها
حلاوتها كااااااااااااام
خد نسبه دايمه بالحلال
وكمان وظيفه راتبها عااااال
أدي يا ناس كل اللي كان
والندر وفاااااااه بالتمام
فيه اللي صدق والسلام
واللي معقوله وده كلام
حدوته راح تفضل سنين
عاش اللي عاش جنبها
واللي ما صدق كدبها
فيه ألف قصه زيها
بهااااااانه و شاويش
بقلم .. صبري رسلان
ليست هناك تعليقات:
إرسال تعليق