ديوان أكاليل الإلكتروني لسفراء القلم

بقلم
. د. حسام عبدالفتاح الدجدج
وحشتيني ...
...
وحشتيني
بنهــارك وليـــلك وأرضــك ونيـــلك
وجرحـك وصبـرك مابيـن مواويلك
بهجــرك وغــدرك وحلــوك ومــــرك
وبشتاق لحضنك ياخـدني لسنينـك
وانام فـوق ترابك واغرق في نورك
ولـو غبت عنـك بمــوت من حنينـك

وحشتيني
وأسمــع فتـاوي هنـاك ع القهــاوي
وناس فيـها يامـا بتحـكي حكـاوي
يقـولك دي خطـه تحـل أي ورطـه
كأنه بسلامتـه خبيـر في النـاواوي
صحيــح هـو مفتـي بيفتي ويفتي
لكنـه في حبـك أكيـد قلبـه غــاوي

وحشتيني
حمـد الله بالسـلامه منـور يا باشـا
ياخـــدني وطايــر كأنــه فراشـــه
وبيلـــف بيـــا ويضـــحك عليـــــا
ويحكيـلي قصــة غـلاء المعيشــه
وأقـولــوا كفايـه يقــولي يا باشــا
عشـان ارجـع لإبني بحتـة بغاشــا

وحشتيني 
ومين بس غيري في بعدي جليسك
ولــو غبـت عنــك بيبـقـى ونيســك
وبعشـــق ترابـك وأهــلك وناســـك
وبتمني اشوفـك فحضني وأبوسك
ده أنا مـن ترابـك وزرعـك وخيـرك
وأعيش عمري كله وقلبي حبيسـك

وحشتيني
يا قلــب الطيـــابا وناســك غلابـــا
عشـان رمـله منك يموتـوا بصـلابه
مفيش حاجه غيرك تساوي حياته
ولا تغلــى حتـى تعيشـي بمهــــابه
ماهو العشـق فيكي إيمان بالوراثة
ولا يـوم يضـــلم نهـــارك سحـــابه
وحشتيني ...
...
 20/4/2018
...