...................
نذير دهان
................
الغنى بعيد عننا
والفقر ببوس ايدينا
****************
ليش يادهري معاديني
فهمني ليش
بيكفي طيش
مظلوم دوم مجافيني
وساقيني المر
وتفرح لما تلاقيني
دمعاتي تشر
كرامه لالله تفهمني
شو هوه السر
السعاده بتغمر العالم
وانا ع الويش
*****************
صابر أسمي وجدي
السيد أيوب
ورتني جوع وذليه
ومشاني دروب
حفره نفره و طول عمري
ع امري مغلوب
باللا يا عالم تقولولي
كيف يحلا العيش
******************
مصلي وصايم ومزكي
ومابعمل شر
قلبي طيب وبزعل
لو اشوف منضر
ببحر همومي عم بغرق
فينك يابر
نزلت لبحرك ياعمري
طلعت شعري ميش
******************
دلوني ع شيخ قالولي
بقدر ومقدار
بيعرف ربو وعلى دربو
ماشي المشوار
رحت لعندو شحدني
وسقاني مرار
على كلمة هات عطيني
لو بدك يحلا العيش
******************
عريت وجعت وانا بدفع
واعطيه عمول
حتى يجمع شياطينو
ويبطل العمل المعمول
ويلغي السحر اللي عليي
ولو اقصر طيش
*******************
يا ناس ياهو ياجماعه
قولولو يروق
مافي الا بكل ساعه
شياطينو النايمه تفوق
ت صار ببيتي مجاعه
بعد الخازوق
اللي أكلتو من شيخنا
وهو يقللي أتحمل معليش
********************
شعر ؛ نذير دهان
ليست هناك تعليقات:
إرسال تعليق