...............
...............
.بحاول
للبلياتشو!!
بحاول ألقى ليا مكان
بحاول والمحاولة فضول
يعود بيا الزمن لزمان
وأقابل ذكرى فيها النور!!
بحاول والمحاولة رجال
اقابل فكرة من مجهول
تعود بيا بدون ترحال
واشوف الجنة فيها الحور!!
انا بشعري بعدي بحور
وموج البحر ليا جسور
ولما بلاقي شط أمان
بسيب للخلق فكري سطور!!
ويوم مابلاقي شط جبان
بخاف الجبن ليله يطول
واقول يارب نجيني
انا دونك هعود مكسور!!
بحاول أبقى بايع فل ورد زهور
جناين كادي جوري عطور
وعطر قلب عاش مهجور
وبستنى نداء معبودي
يناديني هلم حضور!!
آه يا إله الكون
آه والآهات بضمير
رغم إن شكي جنون
عارف إن ربي كبير!!!!
اه يا إله الكون
اه والآهات بيقين
رغم إن شعري ظنون
لسه في دعائي حنين!!
خلقت النن جوه العين
وسبت الرمش يخفي أنين
ولما يطول بيا الليل
ادعي واقول يارب أمين!!
آه يا ليالي سجون
آه والآهات جمرات
انا الحر وانا المسجون
وانا السابح مع الكلمات!!
بكلمة كن لكون فيكون
نعود تاني بدون أيام
كإن حياتنا كانت حلم
والواقع لما ننام!!!!
ليست هناك تعليقات:
إرسال تعليق