.....................
خيرى حسنى
.................
قصيدة بعنوان
(الحياة؟؟؟؟)
الحياة مهما
طالت العمر فيها
لو عدناه هنلاقيه
يوم وعدى
عليك بالسلامه
وإل جاي خليه جميل
مهما كان فيه قهر
أو تعب أو شقا
أو كان فيه ويل
برضو هيعدي
زي إل قبله
وليه منخليهوش
جميل
الحياة مهما كترت
همومها.......
التفائل مش مستحيل
الحب بين القلوب
والرضا بالرزق
لازم مهما
كان لو كان قليل
ماهو ال كاتبه ربك
عليك من يوم
ميلادك...........
هو كاتبه مش محتاج
أدنى دليل.............
ال جاي زي ال راح
وال راح لما كنت فيه
مكانش له في ظنك
مثيل...........
كنت فيه برضو تضحك
أو تنكت أو تهزر حلو كان
أو مر كان أو كنت فيه
يوم عليل ......
عدى ولا معداش عليك
قول لي عدى صح
طريق ومشيت فيه
حافي على شوك
لكن مشيت
فيه للنهايه
بالصبر لو كان
طويل........
النكد آخره جلطة
والهموم في حياتنا
علة والعمر كام
سنه وشكرا على
العمر ال راح ألف شكر
شكرا جزيل.......
يا ابن عمي
ويا صديقي
الحياة مهما طالت
العمر فيه لو عدناه
هنلاقيه يومين
يوم وهو عدى
عليك بالسلامه
وال جاي خليه
جميل..........
النكد بيجيب وجع
ويجيب ألم ويجيب
دموع ويجيب آهات
ويجيب بكا
وأنين والسعاده
ملهاش قبيل ......
لو في أتنين بيحبو بعض
زي مثلا زوج وزوجته
الصعب ال في طريقهم
هيزليلوه ويغيروه
ويسهلوه
ويدوبوا الصعب
ال فيه.
والحياة بيهم أو
بدونهم..........
ماشيه ماشيه
بالتحدي ممكن تعدي
بدون ما يفكروا
بقال وقيل
الحياة.........
تسمح لي حضرة
جنابك.
حضرة سعادتك
الحياة.
في آخرها موت
تقضيها وانت راضي
بال مقسوم عليك
وكاتبه ربك
ولا تموت قانط
ذليل.......
اكسر الخوف ال جوا
قلبك من بكره
بكلمه حلوه أو بذكر
أو استغفار أو سبح
ربك صلي على حبيبك
إقرأ قرآن أو صلي
ركعه......
وارمي حمولك على
ربا يعبد
جليل.........
الحياة..........
28/11/2022
(ترنيمات وخواطر.بقلم.........)
(شاعر العاميه/خيرى حسنى)
ليست هناك تعليقات:
إرسال تعليق