...............
عادل عبد الرازق
................
الشوارع ذكريات
*******
بقلمي : عادل عبد الرازق
***************
سكات الشوارع
الشوارع سكات
برد ومطر وريح
وماض وذكريات
وانا وانتي بين الذكريات
بيمرّ قدامنا
كل اللي فات
وبيصحى كل الل مات
الشوارع سكان
على رصيف مرمي ياسمين
وعلى الرصيف التاني
وردات
مقفولة بيبان البيوت
مقفولة الشبابيك
والشرفات
لا صراخ
ولا همس
ولا سامعين أي أصوات
ضلمة المغارق
عتمة الطرقات
البرد في وشوشنا
وفي ضلوعنا
والريح بجناحات
الدقايق زي الثواني
والثواني زي الساعات
الشوارع سكات
الشارع ده
شوفتك فيه أول مرّة
والشارع ده
كان لنا فيه أحلى حكايات
والشارع ده اللي افترقنا فيه
من غير كلام
ولا سلامات
أنا وانتي بين الذكرات
والشوارع سكات
لا فيها ناس
ولا عاشقين
ولا حتى خيالات
خالية المدينة
فاضية الشوارع
غريبة كل الحاجات
النهاردة افتكرتك يا حبيبتي
غرقت في بحور الدمعات
وفي شوارعنا القديمة مشيت
وكل الشوارع ذكريات
وماضي لا اختفى ولا اتنسى
ولا مرض ولا مات
الشوارع ذكريات
الشوارع ذكريات
***
///عادل عبد الرازق
ليست هناك تعليقات:
إرسال تعليق