.................
هشام سليم
شاعر الحرافيش
...............
ياابني ياتحويشة عمري
انهاردة ولي أمرك
بكرة تبقي ولي أمري
فاكر لما كنت بدلعك
أحلي أكل أحلي لبس
بلمّغك
بكرة الصحة يابني تخون
ريّح قلبي من الظنون
قول حشيلك
لما الزمن يهد حيلك
حانهي ويلك
حبقي بار ياأبويا بيك
زي ماخفت يابا عليا
حخاف عليك
قولّي يابا اوعي تقلق أو تخاف
عشان راحتنا استخسرت ف نفس
العيش الخاف
قولي حشيلك جوا العين
ولا اسمع منك يوم أنين
قولّي حخلي بالي من أخويا
واللي علمهولي أبويا
قولي حشيل يابا غمك
خلّي بالك ياابني من أمك
طول عمرها ف همي وهمك
هيه وأخوك يبقوا دمك
اوعي عليا ف يوم تتعصّب
أو تتغّصّب
ولم ييجي يوم الفراق
ابقي لقّني الشهادة
اوعي ياابني من النفاق
ياابني ركّز ف العبادة
صلّ عليا وادعيلي
وخد عزايا
من عمره خد كل المزايا
وابعد ياابني عن هفواتي
تُبت عنها وف حياتي
خلّي بالك ياخليفتي
حاسب ياابني لو جابوا سيرتي
أنا سايبلك حب الناس
والضمير والإخلاص
حاسب ياابني م القرايب
ابعد ياابني عن أي عايب
العقارب
حِب منهم مين كان جنبي
واللي اشتراني واشتري قلبي
ياابني ملكش خير أخوك
خاف عليه
احتويه
واسعد إمك
الجنة تحت رجلها
ياابني نفّذ أمرها
واذكرني بخير
وبضمير
انت تجارتي الكسبانة
اوعي تكون الخسرانة
لا إله إلا الله
نفّذ وصية حبيب الله
وحط ف راسك حديثه ده
ولد صالح يدعو له
ولد صالح يدعو له
هشام سليم
شاعر الحرافيش
ليست هناك تعليقات:
إرسال تعليق