...................
صبري حسين
.............
هذه. الكلمات تعقيب علي كلام سيدة من السيدات
كانت تتكلم عن بنات الأصول
وكيف أنها اهم مكاسب الحياة تحفظ زوجها في ماله وعرضه
تقف معه في الحلوة والمرة تكون سكن وامان ونبع الحنان
اعجبني كلامها
حيث أن بنت الاصول لا احد يستطيع اعطائها ما تستحقه من مدح وثناء
كل الشكر والتقدير والاحترام لكل بنات الأصول
صبري حسين
*********************************
(بنت الأصول)كلمات/صبري حسين
الله الله الله
تسلمي ويسلم قولك
يا بنت الأصول
كل كلامك بالأصول
فعلا ده كلام اصحاب العقول
اللي فاهمين الدين
كلام مش باللسان
ده كلام بالوجدان
تسلمي يا بنت الأصول
انت واللي مثلك تاج علي الرأس
ربنا يحفظك من شر الناس
ويقيك شر الوسواس الخناس
فعلا ونعم التربية
يسلموا امك وابوك
يا شرف لخالك واخوك
يا ليت كلامك للكل يوصل
والكل يقدر. ويفهم
إن الجواز ده شركة
أساسها المودة والرحمة
مش بكام الشبكة
ولا كام غرفة الشقة
الجواز لو أتبني. علي تعاليم الدين
هنشوف الحب والحنان
تسلمي يا بنت الأصول
ياللي كلامك محكوم موزون
ايه تنفع الأموال
لو. اخترنا مايل الحال
اهلنا قالوا في الامثال
لما تنساب اختار لعيالك خال
اختار اللي شبعانة
علي طبلية ابوها
اللي عينها مليانة
بالقليل قبل الكتير مقتنعة
البت اللي متربية علي العفة
عارفة يعني ايه حياة زوجية
اللي علي المرة صابرة
والرزق اللي يرزقك به الله
دايما حامدة شاكرة
اللي تعرف قيمة الأسرة
اللي بأهلك واهلها دايما بارة
اللي عمرها لخيرك ما تكون ناكرة
بنت الأصول
في المحنة تلاقيها في ضهرك
اقرب اليك من كل اهلك
بنت الأصول
لسرك حافظة
دايما عليك خايفة
بأقل حاجة دايما راضية
دايما في وشك مبتسمة
تسلمي يا بنت الأصول
اغلي. ارزاق الدنيا
بنت الأصول
تنظر. إليها تسرك
إن غبت عنها تحفظك
في مالك وشرفك
تسلمي يا بنت الأصول
الشكر. لك موصول
بدعو من كل قلبي
إن يحفظك ربي
صبري حسين
ليست هناك تعليقات:
إرسال تعليق