....................
يوسف الدباك جعجع/ لبنان
..................
كتابي العطيتو اسم عالي الشان
ودمات قلبي عالورق عاطيه
بعين الوحي قاريك يا انسان
من قبل ما بعين الوعي تقريه
وهالعين فيها بشوف بالتأكيد
الما في حدا شافو قبل هلق
والكون يللي بيشبه عناقيد
الداليي عا رموشها معلق
هيدي عين يوسف ابن دباك
جعجع المارق بالدني مرقة
وديتها تا البدر بالافلاك
تصونو عا شكل الخرزة الزرقة
يوسف الدباك جعجع/ لبنان٠٠٠
ليست هناك تعليقات:
إرسال تعليق