.......................
... حسنى أمين....
...........................
زعلان اشرب م البحر
اوحتى انحت فى الصخر
عاوزنى اجي أصالحك
فعلاً تفكيرك ضحل
....
لازم تشعر بالفخر
مايصحش انى انافقك
دخول البيوت مش سهل
فكر بهدوء على مهل
اللى يحبك يصارحك
افهم بقى يابو جهل
احنا مش بس صحاب
احنا اخوات واهل
غلطان وكمان زعلان
فين صاحبي بتاع زمان
ليه الغرور والفخر
متكبر تعتذر وسايق فى الجنان
بتقول عليا رذل
علنا كده بالجهر
.....
لساك غالى عليا جايلك على رجليا
حتى لو همشى شهر
الحب والصحوبية باقية أبد الدهر
حقك عليا ياأخويا
ساعة شيطان وقهر
... حسنى أمين....
ليست هناك تعليقات:
إرسال تعليق