..................
.... حسني أمين.....
....................
بقولها بحبك
قالت مش مصدقة
والله بحبك
اسكت بلاش تريقة
عندك بنت البنوت
قلبى عاوز كده
اعمله ايه بقى
وهى يعنى كفرت
كونها مطلقة
بنات كتير اتظلمت
عشان مطلقة
ودياب فيها طمعت
وليها متشوقة
الأخلاق اتعدمت
والعيبة متزوقة
الناس الحلوة راحت
وفاضلة السيئة
يعنى ايه مطلقة
بلاش النظرة الضيقة
لو غابت او راحت
يقولوا ريحتها فاحت
نازل فى الأرض وفاحت
والمولى عنك ساخط
ياللى بتجيب سيرتها
وبتشوه سمعتها
حارقاك قوى عفتها
سيبها فحالها بقى
ايوه انا حبتها
وشددت مراقبتها
ان جيت للحق لاقيتها
تشرف منطقة
هموت على نمرتها
لكن عنى خبتها
وكمان قفلت صفحتها
سألت صاحبتها
وصفتلى عنوان بيتها
وقالت من فرحتها
ابقى اعزمنا بقى
.... حسني أمين.....
ليست هناك تعليقات:
إرسال تعليق