......................
عاطف سيطان البربور
..........................
لا تحرثي نار الجوا يسعر لهيبه
بالصدر جمر الغضى زايد مشبه
الحياه دون الولف شينه وصعيبه
لين فيها عايشه ما اقدر اسبه
دونها شوف البشر يركن دبيبه
الهوا يا خلتي ماهو غصيبه
او بضاعه خالصه المده نكبه
للظمي يطفي ظماته من جليبه
من زلال القاع للغالي يصبه
لسقيم الروح هو وصفة طبيبه
ولفقير الحال هو ثوب ٍ وجٌبه
لو بغيت الخل كعسوف النجيبه
مكن نياط القلب وسكون لبه
كل حيٍ بالحيا يلقى نصيبه
ونسمة الخلان ما ازكى مهبه
الموده للاخلا ما تعيبه
مثل مبضع للالم بايد الاطبه
شعر : عاطف سيطان البربور
ليست هناك تعليقات:
إرسال تعليق