...................
محمد البلاط
................
ما تتعشمش فى الخاين
ما تربطش وطن بحمار وما تشيلش فى الكتاب اسرار
ومتجرجرش متجرجر ولا تكسر من الدولاب مسمار
ما تتعشمش فى الخاين ولا تجامل شايل العار
ولا الطبال تأمن له ولا رقاصة ولاالزمار
ولا تقبل كلام منهم ولا تصدق كلام مكار
وعدنا وعود كذابة وشلة معاه نصابة
قلب بيتنا وحياتنا غراب البين لخرابة
وجوعنا وصوعنا وضيع من الحياة المعنة
وقولنا كثير ما سمعنا قليل العقل شال خيبة
وقولنا نرجع الضايع ونصلح اللى اتخرب
جايز العاطل الصايع يحس بغلطته ويهرب
لقينا الباب عليه كلاب بتحرس فار متكهرب
سألنا ايه الاسباب قالوا العار لينا انسب
مأكلنا وساقينا ووفلنا امانينا وميهمش ولو تخرب
ما تتعشمش فى الخاين ولا تجامل شايل العار
ولا الطبال تأمن له ولا رقاصة ولاالزمار
ولا تقبل كلام منهم ولا تصدق كلام مكار
ما تتعشمش فى الخاين ولا تصدق كلام مكار
- بقلم محمد البلاط
ليست هناك تعليقات:
إرسال تعليق