................
(★) نبيل الوردانى (★)
................
(★) الكتمان (★)
ياما كتمت ف قلبى كتير
وياما بجد كمان خبيت
مش من حرصى ولا من خوفي
أو من ضغفى عشان البيت
كنت بحارب شيطان نفسى
حتى كمان والله بكيت
كنت بخبى الدمع ف عينى
كنت بواسى حتى أنينى
مهما تعبت ومهما قاسيت
كان إحساسى ساعات يغلبنى
فوق أوهامى وفوق أحزانى
حتى ف حبي بجد عانيت،
إتحملت بجد كتير
لكن عمرى ما اتخليت
كنت بحارب حتى الشكوى
واتحملت بجد كتير
لكن عمري مايوم كليت
حتى الظلم حاربته لوحدى
حتى ف نومى كمان وف سهدي
قلت أكيد اليوم ح يعدي
ربك قادر دايما يهدى
واقدر اعيش العمر الباقي
قبل ما افكر واسكن لحدى
وابقى ساعتها بجد لوحدى
(★) نبيل الوردانى (★)
ليست هناك تعليقات:
إرسال تعليق