...................
محمد الادريسي
..................
..كول ؤ وكل(زجل)
محمد الادريسي
المغرب
ف لوجاه تبدل
كل مرة فشكل
مرة تشبه السطل
مرة تخدع عنينا
الى شديتي لحبل
رخف شويا الفتل
دير بحساب الحمل
بتقلو تحشو رجلينا
لي حسبناه هبل
صدق مول لعقل
ولي فكلامو يسبل
بالتفاهة صدع ودنينا
القاري فحياتو تعطل
والجاهل لمكانو واصل
الصعيب عليه ساهل
فالدور شحال تسنينا
دهن السير يتسل
ب لخف يعزلك معزل
تخرج منها بالحل
ك الشعرة من لعجينة
هاذا حالنا وحنا ماليه
زمانا نا ونعرفو ليه
مرة نطيعو مرة نعصيه
مرة بالعناد يعادينا
واهيا لعجل
ما انت كيف الجمل
عرفنا ݣرنك يقتل
مبرز باغي ترمينا
الجمل بصبرو يدهل
عطش ورمل يشل
حامل اوزار وثقل
ماصدقاتو شوفت عنينا
لݣنفود فلفول حصل
عجبو المزود غفل
فخرجو المسخوط وحل
ماحصلو فعرق جبيننا
وغي كول ؤ وكل
الحرام دارو لو حل
حسبوه قهوة فسطل
ما حسو ب لضرار لي بينا
12 09 2022
ليست هناك تعليقات:
إرسال تعليق