ديوان أكاليل الإلكتروني لسفراء القلم

 ..................

"محمدمحمودعبدالدايم "

......................

نفسى افهم كل ربع ساعه قضيه قتيل ازاى وليه وفين والسبب وفضائح وتشويه سمعه

ووسط ده كله تبقى فتاه الجامعه تسليه وفيلم الموسم وتأيد ومعارضه وتحليل نفسى وقانوني وكله هرى حتى كلامى برضه هرى ارحمونا شويه وارحموا القتيله!والمجتمع ماتت وسرها معاها وكلنا أسرار بلاش نبش المقابر والتمثيل بالجثث ادعوا للقتلى بالرحمة ده لو انتم فعلا عارفين ربنا

دى كارثه فين الأطباء النفسيين تعود الشباب على سماع اخبار القتل كارثه هتبقى عادى وفعلا أصبحت عادى الدليل الكل كان بيتفرج مش على دى بس لا كل إللى اتقلوا كانوا وسط الناس وبالنهار والكل شارك فى القتل أنه لم يمنع القاتل عن القتل الصوره عاديه زى الفراخ والخرفان عادى تشوف حد بيدبح تنتظر انك تكون شاهد وفرحان وانت بتحكى وتتصور على السوشيال و القنوات

تقول ايه ؛فعلا الرجاله ماتوا فى حرب اكتوبر ٧٣ وبعدهم ظهرت الكوارث وكل يوم تزيد؛ شفنا جيل البنطلون الساقط وديل الحصان وجيل الجل يخاف يقف قدام بياع

مخدرات ولا بلطجى ولا حتى القهاوى تحت البيوت وعلى الرصيف والبياعبين العفيجيه إللى احتلوا الشوارع والرصيف

ولا حراميه فى تكاتك الحقيقه كلنا عايزين نتحاكم او نتعالج؛ نفسا فى كل حاجه من حاجات زمان عسكرى دوريه له هيبه مش تمشيه وسطه ولا خمسه جنيه متكرمشه

نفسنا فى مدرس عنده ضمير مظهر يقول مثقف مش شحات ذليل كل همه د رس خصوصي وهو اساسا بغبغان لا أتعلم ولا بيعلم نفسنا فى دكتور مش حرامى أعضاء بشر ولو تقول شريف يبقى مصاص دم البشر نفسنا فى محامى عنده مبدأ مش محامى كله همى يخرج حرامى بس غلطه فى الإجراءات وبعدها يرسم بطوله وهو شريك فى الجريمه نفسنا فلاح يصحا مع أدان الفجر يزرع ويحصد مش يبيع أرضه عشان فرق سعر لى المبانى و يرجع يجوع ونجوع معاه نفسنا المهندس يشتغل بعقل

وينتج بعرقه وتبقى كل شغله جد نفسنا نفسنا نفسنا الحقيقه احنا ضعنا كلنا والغريب الشكوى تخرج مننا وزير غفير

ينفع نجيب ناس عاشوا قبلنا يمكن يمكن

يكونوا عندهم الف حل

مع تحياتى"محمدمحمودعبدالدايم "