..............
عاطف عبد الحميد
................
وداعا احمد الحجار
..
مارضيش يعود
و لملم باقى أيامه
و مافيش وجود
يساع ف الدنيا أحلامه
تاه المقام
على اوتاره ميت نغمه
ومافيش كلام
و باقى ف الوتر كلمه
بس السكات
عشش على اللحن حكايات
ومافيش حروف
تروى من الملح الأجاج
ولا ذكريات
تسرح ف غيطها الامنيات
و العمر مقصوص الحدود
والفجر مات
بين دمعتين موجوع وحيد
و الحب فات
على شفتين رافض يعود
......
عاطف عبد الحميد
ليست هناك تعليقات:
إرسال تعليق