ديوان أكاليل الإلكتروني لسفراء القلم

 ................

خلان عبد الكريم

.................

القصيدة

شحال تمنيت نكبر و نوصل سن الرُّشْد

عَشقي في القصيدة محنية مادَّة اليَدْ

طلبتها للزواج واخا دْهازْها عليه ما نْكًدْ

حبِّيتْها من الصغر في الحلال ناوي الجَدْ

كانت هي أحلامي و كل آمالي في يَدِيها نْشَدْ

بَدْلوها عْلِيَ عْطاوْها كسوة مزوقة ؤ سَتْرو بْهاها بِشَدْ

شفتها دايزة ما مزوجة ما مطلقة بايْرة لا بنت لا ولد

غَرَّارينْ عايشة كَدبو عليها ما هي بمحمد ما هي باحمد

عشقتها ؤُ هوايا معاها كبر خلاتني في هْواها نَتْمَرْمَدْ

كانت من أعز أحلامي نويتها حلالي حتى العمر يَتْحَدْ

خلاتني وحدي نعاني دوايتي ناشفة في اللّجام نْكَدَّدْ

ما انا بالقصيدة ما انا بِحْروفها على هويتي تَشْهَدْ

ما خلاوني العديان معاها نَولدْ

بقيت تالف ما قدرت نوالف مدادي جَفْ عايش بلا حرف يَخْلَفْ

نتسنى رواحي نداري في جراحي و القلب مْكَمَّدْ

نْلوم زماني جار عليا ما خلاني برضاها نفرح و نَسْعَدْ

رجايا في الله كبرت مَحدودْ الجَّهَدْ

مَغلوبْ ما لقيت ليها وَجْدْ

خلان عبد الكريم