................
((منى شحاتة))
................
((ماقلتلك))
بقلمي ((منى شحاتة))
جمهورية مصر العربية
ماقلتلك أبعد عني حاسب تهواني
ماقلتلك ماتقربش ماتجيش هنا تاني
على نفسك لو قربت أنت الجاني
وإن كنت ياسيدي حبتني ياريت تنساني
لو لاموا عليا أهلك هاأقول وأنا مالي
ماقلتله يبعد عني مسمعش كلامي
وقلتله قلبك دا مهوش مكاني
أنا عارفه إنه صعيدي وراجل حقاني
وعارفه أنه شاريني لكن أعمل إيه
أنا قلبي مش اي حد يجري عليه
ماهو أصله مش بأيديا أتحكم فيه
لو دق في يوم حبه عمره مايرميه
ولغيرك أهو دق خلاص قولي أعمل إيه
اختاره وغصب عنه أهو مال إليه
أنا ف حبي مخلصه جدا مش سهل أنساه
دا أسطورة مش أي حد أنا أتمناه
كان نفسي أوصل لقلبه وأكون وياه
لكن طلع قلبه مشارك ناس تانية معاه
ولحدود غيري مقدرش أنا اتعداه
وأديني بعدت خلاص عنه ونفسي أنساه
بس سعيدة ياسيدي وراضية إني شيفاه
ولآخر لحظه ف عمري هفضل حباه.
عايز تفضل تستناني سلم .... أمرك لله ..
يمكن يجي بكره وأقول..... عايزاه
ليست هناك تعليقات:
إرسال تعليق