................
محمدأبوالحسن
................
شعر غنائي شعبي
العريس سواق تُكتك
************
مبروك ياعروسة ألفين
مبروك
داعريسك باشا سواق
تكتك
إفرحي ياعروسة
وفرحي ابوك
وقوليله الدنيا بكرة
هتضحكلك
واطلب المهر اللي يليق
بيك
إنشاله يكون مليون
أستك
بكرة الناس هيشاوروا
عليك
ويقولوا نسيبه سواق
تكتك
وهييجوا يابا يبوسوا
إيديك
ويتمرمغوا في نعيم
بنتك
إفرحي ياعروسة مين
هنا أدِّك
صحباتك بيقولوا
يابختك
هتقعدي في البيت
سنيورة
وكل حاجة تيجي لعندك
وهتروحي مع الباشا
المنصورة
والغالي كله هيرخصلك
إفرحي ياعروسةوادعي
لأختك
يرزقها عريس باشا
بتٌكتك
علشان البيت كله
يتكتك
ونحط الأستك عالأستك
وكل سنة نشتري تكتك
مبروك ياعريس ألفين
مبروك
ملكش بركة الاّعروستك
كل التكاتك هيزفوك
الدورعليك والليلةليلتك
خلي الحبايب يزوقوك
ويزوقوا معاك التوكتك
وهات سواق غيرك
يسوك
وخليك انت جنب
عروستك
محمدأبوالحسن
ليست هناك تعليقات:
إرسال تعليق