..............
رشاد على محمود
...................
"أنا العاشق"
أنا العاشق وعشقي بان
علي وشي
وأرجوكي يا نور عيني
لاتخدعي ولاتغشي
أن عاوز أشوف حبك
خميلة ورد
تحبيني ياروح الروح
وحب بجد
أشوف الفرحه من
قلبك وبتزغرت
وانا في عزي أو
شقيان ومتكحرت
اشوف الفرحه كما الطرحه
فوق راسك
وانا حِبك واناخلك
والريحانه في ناسك
وانا شيخك ومش عفريت
انا الناسك أنا ناسك
أنا ضيك في عز الليل
وخيك لما أميل
انا بييك ٠ وانا الفارس
وأنت الخيل
أنا الفرح ليكي بيلالي
وأنتي عيدان النور
أنا البستان أبو الالوان
وجوايا انتي زهور
انا الشمعه ونور ساري
انور لك على قدي
وإنتي السًكِينه في داري
وبوسه مطبوعه علي خدي
انا عاوزك تحاربي معاي
ومش ضدي
تكوني سهمي في
صدر العدا يعدي
انا عاوزك نجوم الليل
وانا قمرك
تضوي للسواد والليل
ياملكه وانا بامرك
بقلم الشاعر رشاد على محمود
ليست هناك تعليقات:
إرسال تعليق