................
على عبدالرحيم محمد
...............
عم الضبع
؛؛؛؛؛؛؛؛؛؛؛؛؛؛؛
كان عايش حياته
بيخبي ف قلبه اهاته
وراضي بقدره وشيلته
وبكل اللي حيلته
كان بيشتري خواطر الناس
بحبة ود وطيبه واخلاص
وراضيه عليه عيشته
وكانت كل الناس
زارعا أرضها حب وود واحساس
زمن عم الضبع مات خلاص
وراح راح من سنين
يازمن الطيبين انت فين
يا نبض قلبي
لا أسبت ما يمسح دمعتك
غير أيدك
لا أسبت ولا تصدق ف سكتك
غير عينك
ياه يا أصعب جرح ياجرح حبيبك
اللي دمعته ف منديلك
بلاش ترسم قسوته ف مواويلك
يا اللي بلاد الحس بتجري ف وريدك
دا مش زمانك لا لا مش مكانك
ولا فرحة ايامك ولا حلم سنينك
يازمن الطيبين فينك
ابويا قال لي
مش كل كلمه نظره دقه
تبقى صادقه صالحه تملي
مش كل قلب يعرف يدق
ف بلاد الحب يرق و يغني
فيه وشوش كدابه اه
وفيه نفوس قلابه اه
ومن نسل التعالب والديابه اه
عمرك شوفت النهار ف حضن الليل
لالا ابدا يابا لا
عمرك شوفت النار بارده حتى ف المواويل
لالا ابدا يابا لا
هو ابن آدم كدا
وهايفضل خاين كدا
ليوم الدين ويوم الدين
يا يا ابوقلب ابيض هو يوم عيدك
يا اللي بلاد الحس بتجري ف وريدك
دا مش زمانك لالا ولا مكانك
ولا فرحة ايامك وحلم سنينك
لا أسبت ما يمسح دمعتك غير ايدك
لا أسبت ولا تصدق ف سكتك غير عينك
يازمن الطيبين فينك
عم الضبع عليه رحمة الله تعالى
على عبدالرحيم محمد
ليست هناك تعليقات:
إرسال تعليق