....................
صبري رسلان
.................
زائر الجنه (268)
...................
دمعك خلص يا عين
حتى السلف والدين
راحوا اللي كانوا ساندين
وفارقني عكازي ..
توهت فى ألم لسنين
والشكوى صوت لٱنين
مين غيركوا عني يشيل
والدمع بقى قاسي
الصبر فاتني وقال
شوف غيري لك واسي
سمعني كام موال ونزف لي إحساسي
مبقاش في عيني دموع
والصبر قال لا رجوع
هفضل أعيش موجوع
والحزن ليه مقاسي
ولادي الصغير كبر وإشتد يا أبا العود
طلي أنضري يا أماي
مين يسقي صبارك
حوطين بأيدهم وفا في ريحانه جار بابك
أحكي معاكوا وأبوح
ضله ترد الروح ..
زاير لجنه روح تغسل
أنا جراحي ..
والنسمه لما بروح محلاها فى أنفاسي
تارك سلامي ورود
حواليا أغصان عود
أحفادكوا شايله عهود
هنزوركوا من تاني
إحساسكوا بينا ده دفا
رجع ربيع حالي ..
بقلم .. صبري رسلان
ليست هناك تعليقات:
إرسال تعليق