...............
د. غانم ع الخوري .
...........
قصتنا
وحده/و الزمان حافظ حكاياتنا
بيروي قصص حبنا و روياتنا
عم يبرم و يعكر صفوة حياتنا
والمراكب عاجزة توصل المينا
النار بقلبي تعمل حر الصيف
سح دمعي يعمل شتي طيف
عثراتي تصور لوحات الخريف
وحده/و الربيع مش مبين فينا
تعال يازمن صالحك نوثق عهود
روق لنتصافا ونجدد العنقود
بلكي بتحن أم العيون السود
والحب يجمعنا وننسى أسامينا
لاننسى إللي كان كأنه ماكان
لاندون للفرح والأمل عنوان
ونزرع ورد زاهي بكل الألوان
بالسهر الطرب تعمر ليالينا
الصبايا تهلهل وتزيد الأفراح
بتعمر الدبكة و الراح بالراح
ونشرب نخب كاسات الراح
ندعي للرب على الود يخلينا
السفير د. غانم ع الخوري ..
ليست هناك تعليقات:
إرسال تعليق