....................
السيد علي القن
..............
((( خمسه وعشرون يناير )))
وف يناير الشهيد
اتفتح باب النجاة
واتكتب لينا حياه
وانتصرنا ع الطغاه
اللي مصوا دمنا
اللي خبوا حلمنا
قلنا نمسك ب الأمل
قلنا نقهر ضعفنا
قلنا ثوره للحياه
تبقي طوقنا للنجاه
لو نموت علي حقنا
بس نملك حلمنا
بعد مانصبوا الحديد
بعد ما علو السدود
ع البيبان من جديد
وانتفض جوانا مارد
من فولاذ او من حديد
وباراده تشبه الصخر العتيد
اتولد فينا شهيد
كل حلمه يوم جديد
كله حلمه يعيش سعيد
وانتصرنا ع الطاغوت
والجبايه واللاهوت
قلنا ماضي و راح يموت
وابتدينا نقول صحينا
لما طرح الورد فينا
واتكتب ميلاد جديد
وقلنا فرصه للحياه
وابتدينا في الحكاية
وابتدي تتر الروايه
مره تانيه من البدايه
قلنا ثوره لاجل بكره
واتخطف ولا الف بكره
فجأه عدنا للبدايه
و اللي زاد فينا وغطي
اننا بنبكي اللي ضاع
لما نار القهر شفنا
والمرض كمل علينا
والنتيجه الفقر زاد
وابتدي نقض العهود
وابتدي بينا الجحود
وپايدينا قتلنا مينا
وابتدي بينا الخلاف
بين محمد أو بانوب
و لا عادل أو وداود
حتي زاد بينا البعاد
لما زاد بينا البعاد
في اللي منا باع اخوه
و اللي باع منا ابوه
واللي باع امه ياهوه
والخلاف في الحق زاد
وابتدي زمن الضياع
وابتدي زمن الضلال
اللي زاد فيه أنحلال
في اللي تاجر ف البغاء
واللي تاجر في الخمور
واللي تاجر في الاثار
و اللي باع دم الجنود
واللي تخطي الحدود
واللي طبع و اليهود
واللي خد صك الشهاده
واللي أقسم بالبياده
واللي أقسم بالسعاده
واللي ضحي بالسياده
فأبتدي يسود البلاء
و ابتدي يسود الغلاء
وانتشر فينا البغاء
بين زواج المثلي اخوه
فاضل ايه ياخلق هووه
كل شئ اهو بينا ضاع
والامل في بكره ضاع
وابتدي زمن الجياع
ب الكورونا نقول وداع
لما غاب العدل فينا
و اتوئد الحلم بينا
والفساد اصبح مشاع
العلام أصبح فشوش
والرغيف أصبح مفيش
والقوي بقرشه يعيش
أما غيره ما يلاقيش
ما الحياه ما تساويش
كلمات الشاعر/السيد علي القن
ليست هناك تعليقات:
إرسال تعليق