.............
إبراهيم خليفة رمضان
..............
طي النسيان إبراهيم خليفة رمضان
وبحسك كون مليان جراح
وروح شفافه
زي الطير بصوت صداح
وبحسك لما عيوني تحاصرك
وهزة رمشك لما يطغي الشوق جواه
ساعتها بحس الكون صداح
من جوه القلب اللي يرفرف
فوق بحر بيفزع امواجه
ويثور ويثور
وانا قلبي جسور
مفروده في طي النسيان
والقوله بتخنق جوه القوله كلام
كلام متبعتر زي الريح
لما تهب وتملي الكون رزاز
تداري الكلمه
وتعمل بيني وبين الكلمه جدار
او تكعيبه م القش الميت
بتموت في كون البحر
ساعتها بس
حيعيش القلب يموت ويموت
طريد الكلمه / البوح
وانا زي ما كنت بمد كفوفي جريح
هرجع وتلتم بالكلمه محار
وألمم خوفي
واحلم اضم زمان ف دلوقتي
والف الجاي واطويه في طي النسيان
ليست هناك تعليقات:
إرسال تعليق