................
محمد عباس
.............
خواطر بعنوان : ( حب الناس )
عايشين بحب الناس
والرحمة بينا اساس
والحب نعمة وكاس
موصوف لكل الناس
سامحت كل الناس
وبديت بكل حماس
وطويت كتير كراس
يارب خير وسلام
رحمة من القيوم
اغفر لنا النسيان
وشفاء من الرحمن
واهدينا نور وايمان
شوف اد ايه بنفارق
احباب اهل وصحاب
ولاحد فى حياتنا فارق
الحب فى قلب داب
انسى تكون مضايق
وتقول كلام غير لايق
ناس علقت المشانق
فاكرة كل المفارق
فى الشدة والمحن
اخ وصديق حبيب
ان سابك تتوحل
غير بدرى الطريق
صديق ووقت الضيق
بيشارك فى المحن
احساس جميل بريق
وبسرعه هيمتحن
الموت خطف الجياد
فجاة وبدون ميعاد
عايشين فى واد واد
ليه ندور ع البعاد
الحب بينا افضل
لاجل كل الولاد
نزيل الكره بينا
نختار حبل الوداد
يارب رسالتى توصل
من غير منسد باب
الفرحة والابتسامة
خلت روحنا شباب
نعيش بحب الناس
فى كل لحظة ندعى
يارب ميحرمنى منكم
صحبة واهل و صحاب
اصول تسال وتعرف
مش جايز فات وغاب
وياريت نمنع عتاب
ننسي كل العذاب
حب البشر اعتاب
دق على الابواب
نادى وفتح الباب
اهلا مرحب احباب
الكلمة الحلوة حلوة
والبسمة مفتاح لغنوة
والقلب الطيب علامة
دليل على حب ياما
يارب الناس تحبك
ربك اكيد بحبك
كل الناس بتدعى
بدعاء الصبح بدرى
يارب باب القبول
واقوم اصحى اقول
استرها يارب معاى
وبعد الصبر انول
بقلم محمد عباس
الاسماعيليه مصر
وارضينا
ليست هناك تعليقات:
إرسال تعليق