.................
. غانم ع الخوري ..
...............
الشك
بغرفة النوم وجها ضاوي
بتدور بموبايلك على بلاوي
والغيرة حجتها
إن لاحظت ترحيب لاصبية
بتفيق بترد القهوي
وع نار قلبها فورتها
قاعدة تهز بخصرا
منتضره تحاكي الرجال
عندها شي عشرين سؤال
تستوضح إجوبتها
أولها هات قلي مين هاي هية
ليش حكتك كيف عرفتها
ومعك شو قصتها
وقت للأكل عم تساوي
بتحكي جارتها مهمومي
بتشرح وبتشكي مصيبتها
بتشرد بتنسى الطبخة تحترق
بدل رز وشاكرية بتصير
حواضر أكلتها
.. غانم ع الخوري ..
٢٠١٧/١٢/٦
ليست هناك تعليقات:
إرسال تعليق