..................
مصطفى عماري
..................
عينيها الخضر
سلبوا مني العقل
هم النور
بلا بيهم نفقد البصر
ويلي يا ويلي
على مولاة العينين الزين
غير نشوفهم نفقد كل الموازين
ليها يزداد الحنين
سبحان من خلق وصور
ربي العالمين
عينيها لون أوراق الشجرة
الوجه قمرة القد قد مهرة
سلبت عقلي
ومعاها تتحلالي السهرة
عينيها عينين غزال
من بالي ننساها محال
زادها ربي الجمال
خيالها ديما على البال
على جالهم نشق البحر
نسهر الليالي والناجي القمر
حني علي يا العمر
فالدنيا بلا بيك
ما بقى عندي زهر
ديري طلة يا فلة
لو حطوا القمرة في كفة
وأنت في كفة
نختار المهرة ديالي
زين عينيها الخضر
فات القمرة بشبر.
الشاعر مصطفى عماري
ليست هناك تعليقات:
إرسال تعليق