...............
احمد المحمدي
.................
أحس متغير هواي
وغيرتي عليك هواي صلفة
وحسن دمعتي بطرف العين
ونهاري يمر بين الآه وشهقة
وأشوف الناس كل الناس
تجي وتروح حتى دربي ضيعتة
يمر الحزن مثل غيمة مطر
والعمر يمر. والرأس شيبتة
شمسوي بدنيتي هاي. خاوني الحزن
من يوم بالكلب زرعتك..
وسقيتك بدمي
وبدمع عيوني عطرتك
شيفيد العتب
والجرح بالملح هيجتة
مالك ذنب.... أعرف
ولا ذنبي
بس كلي.. وجعي.. وأنين الروح
أشلون اسكتة
أحلى آيام عمري وياك
وأجمل كل البشر... شفتك
وفأء.. وأخلاص... وصدق
معانى رجال كل صفاتك
وتاج فوك الراس جملتك
هيج انت حلو بعيني
عزيز وغالي.
واحلى رسم بعيوني صورتك
...... احمد المحمدي
ليست هناك تعليقات:
إرسال تعليق