.................
محمد عليوي فيّاض
..................
شعر
محمد عليوي فيّاض
عمران المحمدي
ارتجالا
الك حك الروائع الي اتوديهن
لان تعرف ابصدري ينشرح بيهن
اسمعهن والحّنهن الك الحان
يطربنك اذا ضايج واغنيهن
يبدر الما كسف نورك مرور الغيم
او نجوم الليل من تضوي تطفّيهن
اشكد مطرن اجفونك بالمحل عل كاع
وادواح الورد بالطّيب تسكيهن
يعطر المن تهب الرّيح
يشتمّك خشمها
او لو لكه حلوات
يرش من لون وجهك
تا ايحليّهن
اشاوصفك وانته من يوسف خذت جينات
وراثيه العقول اتحيرت بيهن
او اخذت الصّبر عل شدّات من ايّوب
المصايب والحزن بالصّبر تلويهن
اتعاطف اوياك ابكل ظرف اعزاز
او ما اعطف عليك او اني عارف بيك
العواطف ما تسر كلبك مراميهن
يل جذرك عريق اشما ايمد افروع
من طيبك اشيحتاجن ايكّفيهن
يل صيتك ضرب عربان واولايات
غيرك من بعدهن ما ايدانيهن
يل اجوفوفك سخية اوما تشح بعجاف
واعيونك لمن ينخاك تفديهن
يل ديوان اهلك ما يسد بيبان
يابن ارباع ما فرغت صيانيهن
اشاوصفك وانته وصفك هوه يوصف بيك
او معانيه ايغرف منّك او يمليهن
انا ضدّ النّفاق او ما الي غايات
اسولفهن تملّق واوصلك بيهن
ليست هناك تعليقات:
إرسال تعليق