.........
-عبدالمنعم عباس نورالدين
................
......
اموت واقف
1
بعيد عنك بموت واقف
واعيش بين الدموع صوره
تفتش عينى عن عينيك
وترجع تانى مكسوره
اتاريك ياحبيبة الروح
معاى فى فؤادى محفوره
وبين النبض والشريان
بنيتى مدينه مسحوره
2
وبعيد عنك افتش فيك
واقول ياريت نعود تانى
نعاود الذكريات والحب
وكت القاكى راجيانى
تسقينى الحنان منك
بدون تاخير-ومجانى
وتشيلى بلهفتك همى
بشكل رقيق وانسانى
3
وبعيد عن طيفك المحبوب
تتوه فى الدنيا خطواتى
اذا هم ابعدوك عنى
كفايه تكونى فى ذاتى
كفايه تعيشى فى قلبى
وتسكنى بين مساماتى
والاقيك فى سما الاحلام
وفى المستقبل الاتى
--عبدالمنعم عباس نورالدين--
السودان
ليست هناك تعليقات:
إرسال تعليق