ديوان أكاليل الإلكتروني لسفراء القلم

 .................

رضا الحسيني

.................

شرنقه .. شعر / رضا الحسيني

ولا بيدًك..ولا بيدًي

ولا بيد الهوى الوردي

رمينا الخطوه عالسكه

ولا بتسأًل..ولا بسأًل

لفين الخطوه بتودي

بقيت وحدك..

بقيت وحدي..

تفكًر فيً وف وجدي

أفكر فيك وأقول بدًي

وتدًارى مع وجدك

وبدًارى أنا ووجدي

ولا بيدًك.. ولا بيدًي

*******

وانا وانت بنتذكًر

زمان الصُحبه والدفتر

وكلمة حب تتسطًر

على جبيني..على جبينك

على جبين اللي ما يقدًر

ونتمسًك بكلمتنا

وجوًه الكلمه نتكسًر

وتتأخر بأسألتك

وأتأخر أنا بردًي

ولا بيدًك... ولا بيدًي

ولا بيد الهوى الوردي

*******

وانا وانت بنتفرًق

أشوفك لما تتغرًب

تشوفني لما أتشرنق

وترجع طين..وأرجع طين

وتحت الأرض نتشوًق

ونتلاقى بواقي اتنين

ونتكوًن كزرعة تين

تنز الملح وتمرًر

وبين الكلمه والخطوه

زمان الصحبه يتكسًر

ولابيدًك .. ولا بيدًي

ولا بيد الهوى الورد