...................
عاطف محمود
..................
اخترت اكون انسان
الخيال حبال صنعها الوجع
نطلع عليها اوام نقع
علي جدار واقعنا المحال
والقلب سكانه حطام
مسجونين وري البيبان
والبيبان حديد فولاز
وحلمنا طوق من ازاز
يبقي الاساس ضعيف حزين
والايدين متكتفين
واللسان عليه لجام
واذاي اسيب ناس
تشاركني احلامي
وانا احلامي بتتكسر
علي ضهر أيامي
بقي علشان اداوي الروح
اجيب وجع لروح تاني
ساكنه وجداني
مانا اصلي موصول بالوجع
واسيرلاقداري
والقدر ليه معايا100حكاية
يبقي من الانصاف اسيبك
افضل كتير ما تكون معايا
حاولت كتيرمفيش فايده
ودنيتي حبال دايبه
لو حبك جنة في طريقي
هتحرقها نار قايدة
وخيرني الزمان امرين
اكون ليكي واعيشلي يومين
ولا ابعد وانجيكي
عشان مشفش الدمع في عنيكي
سلام ومش ندمان
وقول لقلبك المصدوم
انقذتك من ضمير محسوم
ورضيت اني اعيش محروم
واخترت اكون انسان
كلمات عاطف محمود
ليست هناك تعليقات:
إرسال تعليق