..............
خلان عبد الكريم
...........
طاح الضيم
نزلات الغبينة طاح الضيم
الجوارح بكات فيها نيران كدات
صار القلب حزين دموعو جفات بالبكاء والنواح من جرح قديم
جريت وجاريت صبرت وتهديت
عانيت وداويت جرح سليط ما قدا فيه دوايا
حتى نقول الحمد لله تشافيت وتفيق الجراح من جديد من هم لي حالهم فات حالي
حزنت وبكيت للمولى شكيت همومي وحزاني
أنا ليوم جيت هربان من ضلام الليالي ندور على لي نعيد ليه حالي
ونتبادلو لقوال بالحكمة والمقال نفكو الخبال
خسارة صعاب الحال ما لقيت لي يسمع مني الاقوال
دخلو النساء وخافو الرجال
حشمو الكبار واستحياو الصغار
ضلام عميم سولت عليه العاقلين
لقيت كل شي منو حزين في شمعة طامعين ضوها بهات من سنين غلطنا ليها ناسيين
سولتها مالت وبكات من عينها طاحو دمعات من حر نار في جوفها شعلات
علينا ضوات خسارة العباد على نورها رقصات ونسات
ها هي اليوم جات تصحح الحسابات
طاح الضيم وضياق الحال جيت نسول على الاحوال لقيت كل شي مشغول البال هجر القريب والبعيد عطاني بعد الامان آش هاد الغمة آش هاد الزمان ما ضنيت يجي يوم يتسدو البيبان
يارب يا منان سألتك الرحمة والغفران ولطفك بهاد الانسان ضعيف في حياتو غلطان خدعاتو بالدوام خلاتو عايش في اوهام
يارب ها هو ليوم يترجاك
طامع في الرحمة والغفران
خلان عبد الكريم
ليست هناك تعليقات:
إرسال تعليق