...............
حميد النكادي
............
صرخة ...
كْتَبْ فْداكْ اللوح
كتب بْصْمَقْ الروح
صرخة داك المجروح
العين حيرانة تشوف
والفم عاطل مفتوح
نزيف ودموع تسيل
سخونة حارة
تحرق وسط الجوف
حِيَّانة ..لِيّام بَدّالَة
لَمانْ ؤُالْكَرْش الشبعانة
فْلَمْحَة.. عُمْر غَمْزَة
تتبدل السوايع
بحر ظلمة خوف ...
هزوا لمشاعل
ضَوّيوْ لقنادل
بعد مَّا بانت لينا الطريق
كلشي ضعيف
هانت تشوف
وَلَّا الغريق
متشبت بالغريق
وبنادم لِّي مافاهم
خصو ينفض عليه
غبار الضيق
ينزل من علاه
يحل عينيه
يفيق شوية ويعيق...
31\3\2020
حميد النكادي
ليست هناك تعليقات:
إرسال تعليق