قلم الأديب الشاعر / أشرف فؤاد السمادونى
...........
**** ((( جواب حبيبى )))
**********************************
من أحلى الذكريات
من أجمل عمر فات
لقيت جواب حبيبى
بيحكى وهوَّ مات
..................................
رجع الزمن بيَا
والصُدفه كانت تمن
وعشان دا كان طبيبى
حُبُه ف قلبى إنسجن
..................................
صحيح القطر فات
وهوَّ وعُمره مات
لكن لسه كلامُه
بيقتل السُكات
..................................
إحساسُه كان مالينى
ورجعت بطول سنينى
والدمع غصب عنى
وقع من نن عينى
..................................
كلامُه كان حقيقى
وبَّل يأس ريقى
ورغم طول غيابُه
قابلته وف طريقى
.................................
وكُل م أقرا حرف
يزيد الدمع نزف
خانتنى كتير إرادتى
بروحُه كان مالينى
.................................
أبويا وكان حبيبى
والموت سُنَِة حياه
وبُعده أكيد نصيبى
ونهجهُ طوق نجاه
.................................
الموت بيحصد بشر
ف الدنيا بس حياتُه
على كل حى القدر
كتب الأوان بمماته
.................................
الرحمه يارب بَُه
دا كان لك عبد صالح
الرأفه يارب بَُه
دا كان لى سند وناصح
.................................
بكرمك نجَِى عبدك
من قسوة المهالك
بفضلك خلَّى ردَّك
رحمه من دون جمارك
********************* اللهم اغفر له وارحمه يا كريم اللهم آمين يارب العالمين
ليست هناك تعليقات:
إرسال تعليق