...........
جزء من الديوان الملحمى
هى دى مصر
للشاعر/ مصطفى فريد
............
إرفعى راسك بيا اتباهى
بكره الجاى لولادك زاهى
شايفه بعينى يمين بالله
فجر بيضحك نوره إلاهى
طالع من أنواره شهيدك
إللى بدمه صنع لك عيدك
خلى العالم سمى وصلى
جمع تانى زمام الأمة
فى عنصر واحد أسمه المصرى
ثورة نيلك هى الحصرى
كل العالم بارك نصرى
غيرتيه مع صبر صمودك
علمتيه يستقوى بعودك
عودتيه على أنغام عودك
دايما ليك بحب يغنى
قومى اتمنى لبكرة وغنى
ارسمى بكره الجاى بحصاده
عيد لشهيد الثورة بإيدك
إللى برغم الليل وفساده
ضحى بدمه وجاب بعناده
أغلى هديه. الحريه
وعشان كده أنا عندى وصيه
مهما ايام الدنيا تفوت
تتسابق وتموت فى سكوت
حتى ان شوفتى فى قلب تابوت
جسمى ممدد من غير صوت
أوعى تقولى إن إبنك مات
مافيش يا مايا شهيد بيموت
ليست هناك تعليقات:
إرسال تعليق