ديوان أكاليل الإلكتروني لسفراء القلم

............

نجيب البزال

...........

حضن أمي
بقلم نجيب البزال

يا حلم خدني ع ديار اهلي
تعب القلب وطالت الرحلةي
هونيك بحضن أمي برتاح
بتعرف إبنها شو بيستحلي

يمي حنانك للقلب مفتاح
بيحيي الروح ويبلسم الجراح
بيزرع ع تمي البسمة و الفراح
وبعشق صوتك لما يندهلي

قلبي تعب بشكيلك همي
بشعر يا أمي فيي مهتمي
بتحيي القلب من عطرك الشمي
بوس ايدك صلي ولا تتمهلي

ادعيلي يا أمي كل ما يرفع الاذان
رعشة بصدري بحس حالي بأمان
منك يا امي تعلمت كل الايمان
بحترم ديني وحافظ ع أصلي.