ديوان أكاليل الإلكتروني لسفراء القلم

………

...بناءا على رغبة الكثير...شعب ملوش كتالوج...للشاعر رمضان البربري 

…………

شعب ملوش كتالوج
أسطي في المونلوج
معدي ومعافر الموج
وتلاقية مع أول فوج

شعب مبتقوملوش قومة
كل خيبتة ع الحكومة
نايم وكأنة مضروبة بشومة
ع القهوة ليلاتي بسمع ثومة

شعب سايب الديابة تنهش فية
تجار رافعة أسعارها ولا حول لية
يجري يشتري وهو إللي يغلية
يقوم يقاطع لاء ودة من إيدية

شعب حاوي متبرمج علي الفشل
وكل الدنيا عيزاة خاوي عمل
لة بيت وأسرة بس إية العمل
سلبي في كل حاجة حياتة ملل

ترميلة إشاعة ينميها ويكبرها
مش يهدأ ويثبت ويصغرها
تجيلة حكومة متبرمجة علية
تشيلة تحطة ولا حد داري بية

هو مصري وأخوه سوري فل علية
في كل مكان تلاقيه مادد إيدية
واخد مكانة شغال وصاحبنا بية
نايم مكانة ننة ويا خوفي علية

يا عم اسمعني ولكل غالي قاطع
ولكل تاجر فاسد حرامي قاطع
هتلاقيلك في كل خطوة سر باتع
ويكونلك هنا وهناك نجم ساطع