ديوان أكاليل الإلكتروني لسفراء القلم

………..

نجيب البزال

……….

رح اعترف بالحب
بقلم نجيب البزال

تعرفت عليها بمشوار
وبعتّلها مني اخبار
كتبتلها اجمل اشعار
وقصايد كلها محبّة

ضربت جواتي اعصار
وخلتني مغرم محتار
وصرت عليها جن و غار
وعالصفحة ل لايك مخبي

راقبها صار المشوار
صورتها آخد تذكار
وتا قرّر جيبا عالدار
استنجدت بعطفك ربّي

قلبي جسّد أحلامو
اوعا ياصحابي تنامو
قلتلا قلبي محتار
يقضّي عندك إيّامو
متل العصفور الطيار
يلف جناحك بحرامو

ونغلب مع بعض الأقدار